تقریبِ پذیرائی ’دائرے کا اسیر‘ و محفلِ مشاعرہ

حرف اکادمی پاکستان کا عید ملن مشاعرہ

حرف اکادمی پاکستان کے زیرِ اہتمام ۱۶ جولائی بروز اتوار راولپنڈی آرٹس کونسل میں عید ملن مشاعرہ کا انعقاد کیا گیا۔ فرقان علی نے تلاوتِ کلامِ پاک سے محفل کا باقاعدہ آغاز کیا جبکہ کرنل جمیل اطہر نے نعت کی سعادت حاصل کی۔ عرفان خانی نے نظامت کے فرائض سرانجام دیے اور مسندِ صدارت پہ صدیق فنکار تشریف فرما تھے۔ مہمانانِ خصوصی میں کرنل سید مقبول حسین، سید ضیا الدین نعیم اور رفعت وحید جبکہ ملتان سے گل نسرین اور سرگودھا سے صفدر بھٹی بطور مہمانانِ اعزاز شریکِ محفل تھے۔ جن شعراکرام نے اپنے کلام سے محفل کو رونق بخشی اُن میں ندیم چوہدری، طاہر بلوچ، ملک عرفان خانی، تیمور رشید، محمد بشیر رانجھا، ربیع صفدر، چوہدری رضا اختر، زاہدالرحمن سحر، شہباز علی نقوی، سلطان شاہین، عنصر حسن، نجم الثاقب، سلطان حرفی، کرنل جمیل اطہر، نعیم جاوید نعیم، شہاب صفدر، علی اکبر رانا، میمونہ صدف، جیا قریشی، گل نسرین، رفعت وحید، عبدالقادر تاباں، ضیاالدین نعیم، رخسانہ نازی، مظفر اسلم، میر تنہا یوسفی، کرنل مقبول حسین اور صدیق فنکار کے اسمائے گرامی شامل ہیں۔ اسی تقریب میں ڈاکٹر طارق بشیر طارق کو حرف اکادمی تحصیل کمالیہ کا کوآرڈینیٹر، رخسانہ نازی کو حرف اکادمی شعبہ خواتین کی صدر، جیا قریشی کو رابطہ سیکرٹری اور ارشد محمود ارشد کو رابطہ سیکرٹری بیرون ممالک مقرر کیا گیا۔ اختتام پہ ڈاکٹر بشیر طارق نے شرکا کو اپنا مجموعہ ’عنایہ‘ عطا کیا۔

تقریب پذیرائی "ماورائے تبسم" اور کاشف بٹ کے اعزاز میں مشاعرہ

حرف اکادمی ہزارہ کے زیرِ اہتمام حویلیاں میں ایک پروقار تقریب کا اہتمام کیا گیا۔ محمد اسد نے تلاوت کلام پاک سے محفل کا باقاعدہ آغاز کیا جبکہ نجم الحسن نجمی نے نعت رسول کی سعادت حاصل کی۔ قاضی ناصر بختیار مسند صدارت پہ تشریف فرما تھے اور کاشف بٹ مہمان اعزاز تھے۔ مہمانانِ خصوصی میں اسفر آفاقی، حسن افتخار اور ریاض طاہر کے نام شامل تھے۔

تقریب دو ادور پہ مشتمل تھی۔ پہلا دور خورشید احمد عون کی کتاب "ماورائے تبسم" کی پذیرائی پہ مشتمل تھا جبکہ دوسرے دور میں محفلِ مشاعرہ کا انعقاد کیا گیا۔ پہلے دور کی نظامت فرحان انجم نے سرانجام دی۔ اعجاز احمد یوسفزئی نے "خورشید احمد عون طنز و مزاح کے افق پر ابھرتا ہوا خورشید" کے عنوان سے مضمون پیش کیا۔ جبکہ ساجد خان، کاشف بٹ اور قاضی ناصر بختیار نے مصنف کی کتاب پر اظہارِ خیال کیا ۔ خورشید احمد عون صاحب نے اپنے اظہارِ خیال میں مہمانوں کا شکریہ ادا کیا ۔

دوسرے دور میں کاشف بٹ کے اعزاز میں محفلِ مشاعرہ کا آغاز ہوا جس میں نظامت کے فرائض سید نجم الحسن نجمی نے انجام دیے ۔ جن شعرا نے اپنے کلام سے محفل کو رونق بخشی۔ ان میں نجم الحسن نجمی، سنقر سامی، محسن چوہان، فراز احمد، فرحان انجم، ملک ناصر داود، خورشید احمد عون، اعیس خالد، حسن سیف، اسفر آفاقی، حسن افتخار، اجمل نذیر، ریاض طاہر، شاعر شام کاشف بٹ اور صدر مجلس قاضی ناصر بختیار کے اسمائے گرامی شامل ہیں۔ انتخاب کلام حسب ذیل ہے:

جہاں بنیادِ شرف نام و نسب کچھ بھی نہیں

ہم وہاں عزتِ سادات لیے بیٹھے ہیں

نجم الحسن نجمی

زندگی کو جانتے ہو

وہ بڑی ہی سخت خُو ہے

سنقر سامی

نظم "میں تو مزدور ہوں"

محسن چوہان

پہلے میں مورتیں بناتا تھا

پھر مرے ہاتھ کپکپاتے تھے

فراز احمد

ابھی دشمنوں نے قصیدے کہے ہیں

ابھی دوستوں کے مقالے پڑھے ہیں

فرحان انجم

اک صورت انمول نرالی لگتی ہے

باقی دنیا دیکھی بھالی لگتی ہے

ملک ناصر داود

زہر اتنا پی لیا تھا

جان پیاری ہو رہی تھی

اویس خالد

مجھ میں ہے تو مری خطا کیا ہے

کیا کسی میں کمی نہیں ہوتی

خورشید احمد عون

ہم نے پہلی اُڑان بھر لی ہے

اور  تا  آسمان بھر  لی ہے

حسن سیف

محل کے روبرو کچا مکان کیا معنی

غریبِ شہر کو ہونا ہے دربدر آخر

اسفر آفاقی

سب اپنے زعم میں پابند ہیں شریعت کے

اور اپنی اپنی شریعت اٹھائے پھرتے ہیں

حسن افتخار

انا ہار جاتی ہے جب بھی جنوں سے

ترے در کو اٹھتے قدم دیکھتے ہیں

اجمل نذیر 

دستِ خزاں نے جب چھاؤں کو چھو لیا

پتوں نے ہر شجر کے پاؤں کو چھو لیا

ریاض طاہر

ہر ایک شخص کا ایمان تولنے والو

یہ اختیار خدا کا ہے آدمی کا نہیں

کاشف بٹ

پھر شاد ہے سب مجمع اک سانپ کے مرنے پر

دنیا جو لٹی ہوگی جوگی کی لٹی ہوگی

قاضی ناصر بختیار

حرف اکادمی ملتان کے زیرِ اہتمام نعتیہ مشاعرہ

حرف اکادمی ملتان شاخ کے زیرِ اہتمام مورخہ ۲۰ جون بروز منگل یوم القدس کے موقع پر خانہ فرہنگ ایران، ملتان میں نعتیہ مشاعرے کا اہتمام کیا گیا۔ مقبول گیلانی نے نظامت کے فرائض سرانجام دیے جبکہ مسندِ صدارت پہ ڈاکٹر نجمہ شاہین کھوسہ تشریف فرما تھیں۔ خادم حسین مخفی، ڈاکٹر تصور شیریں اور زاہدہ بخاری تقریب کے مہمانانِ خصوصی تھے۔ نعتیہ مشاعرے میں ڈیرہ غازی خان، بہاولپور اور ملتان سے شعرا و ادبا شریک ہوئے۔ شریکِ محفل شعرا و ادبا میں گل نسرین گل، رانا علی اکبر، احسن عباس، نصر اللہ المانی، عمران مگسی، مرتضی زمان گردیزی، مقبول گیلانی، زاہدہ بخاری، ڈاکٹر تصور شیریں، خادم حسین مخفی اور ڈاکٹر نجمہ شاہین کھوسہ کے اسمائے گرامی شامل ہیں۔

حرف اکادمی ہزارہ کے زیرِ اہتمام دوسرا سالانہ نعتیہ محفلِ مشاعرہ

حرف اکادمی کی روایت رہی ہے کہ ماہِ رمضان میں نعتیہ مشاعروں کا خصوصی اہتمام کیا جاتا ہے۔ اسی سلسلے میں حرف اکادمی ہزارہ شاخ کے زیرِ اہتمام مورخہ ۱۱ جون بروز اتوار دی ایم اسکول آف ایکسیلنس حویلیاں میں دوسرے سالانہ نعتیہ مشاعرے کا اہتمام کیا گیا۔ تقریب کا باقاعدہ آغاز سارب خورشید نے تلاوتِ کلامِ پاک سے کیا جبکہ سید مدثر شاہ کاظمی نے نعت کی سعادت حاصل کی۔ سید نجم الحسن نجمی نے نظامت کے فرائض سرانجام دیے۔ ہری پور، حویلیاں، ایبٹ آباد اور ہزارہ کے دیگر علاقوں سے نعت گو شعرا اس محفل میں بطور خاص شریک ہوئے۔ جن شعرا کو نعتیہ کلام کی سعادت حاصل ہوئی ان میں عامر شہزاد، نجم الحسن نجمی، محسن چوہان، فرحان انجم، ساجد خان، جعفر محمود ہاشمی، خورشید احمد عون، ناصر داؤد، سہیل احمد صمیم، ساجد حمید ساجد، راز صاحب، اجمل نذیر، قاضی ناصر بخت یار اور سید نذیر شاہ کسیلوی کے اسمائے گرامی شامل ہیں۔ محفل میں ادب دوست سامعین کی کثیر تعداد شریک ہوئی۔

Harf Acadmy Hazara Branch - Naatiya Mushaira

حرف اکادمی پاکستان کے زیرِ اہتمام ’’پلک بسیرا‘‘ کی تقریبِ رونمائی

مورخہ ۲۳ مئی بروز منگل حرف اکادمی کے زیرِ اہتمام نوجوان افسانہ نگار میمونہ صدف کے پہلے افسانوی مجموعہ ’’پلک بسیرا‘‘ کی تقریبِ رونمائی آرٹس کونسل راولپنڈی میں ہوئی۔ تقریب کا باقاعدہ آغاز قاری اسد اللہ نے تلاوتِ کلامِ پاک سے کیا جبکہ حرا ملک نے حمد اور محمد ساجد حامی نے نعت کی سعادت حاصل کی۔ ملک عرفان خانی نے نظامت کے فرائض سرانجام دیے۔ ڈاکٹر اعظم رضا اور حمید شاہد اس محفل کے مہمانانِ خصوصی تھے اور مسندِ صدارت پہ چیئرمین مقتدرہ قومی زبان معروف شاعر و ادیب افتخار عارف تشریف فرما تھے۔ جن اصحاب نے تقریب سے خطاب کیا اُن میں نعیم قریشی، افشاں عباسی، جاوید اقبال، اعجاز خان، کرنل سید مقبول حسین، اعظم رضا، حمید شاہد اور صدرِ مجلس افتخار عارف کے اسمائے گرامی شامل ہیں۔ مقررین نے کتاب کو افسانوی ادب میں خوشگوار اضافہ قرار دیا اور میمونہ صدف کے اس پہلے قدم کو مبارک سمجھا گیا۔ صدرِ مجلس افتخار عارف نے کہا ’’میمونہ صدف نے اپنی کہانیوں میں معاشرے میں درپیش مسائل کو خوب صورتی کے ساتھ عام فہم انداز میں خوش اسلوبی سے قلمبند کیا ہے‘‘۔ تقریب میں جڑواں شہروں سے تخلیق کاروں کی کثیر تعداد شریک ہوئی۔

حرف اکادمی (ہزارہ شاخ) کا۱۹ واں ماہانہ اجلاس

مورخہ 7 مئی بروز اتوارحرف اکادمی ہزارہ کا ۱۹واں ماہانہ اجلاس اکادمی کے دفتر بمقام حویلیاں منعقد ہوا۔ فرحان انجم نے نظامت کے فرائض سرانجام دیے۔ سنقر سامی نے تلاوتِ کلام پاک سے محفل کا باقاعدہ آغاز کیا جبکہ نجم الحسن نجمی نے نعت کی سعادت حاصل کی۔ مسندِ صدارت پہ سید نذیر شاہ کسیلوی تشریف فرما تھے۔ اجلاس کے آغاز میں قراردادِ تعزیت پیش کی جس میں گذشتہ دنوں وفات پانے والے تخلیق کار فرزازنہ ناز، غلام مصطفی زخمی اور اکادمی کے رکن محسن چوہان کے داد جان کی رحلت پہ افسوس کا اظہار کیا گیا ہے مرحومین کے لیے فاتحہ پڑھی گئی۔ اجلاس حسبِ روایت دو ادوار پہ مشتمل تھا۔ پہلے دور میں نثری تخلیقات تنقید کے لیے پیش کی گئیں جبکہ دوسرے دور میں شعری نشست کا انعقاد ہوا۔ پہلے دور میں ساجد خان نے افسانہ ’’بے بسی، بے چارگی اور درماندگی‘‘ جبکہ خورشید احمد عون نے طنز و مزاح سے مزین تحریر ’’غصہ ایک کرکٹر کا‘‘ پیش کیا۔ شعری نشست کے شرکا میں جمیل ملک، محمد فاضل، طارق محمود، چوہدری مالویز، سید نجم الحسن نجمی، سنقر سامی، ساجد خان،

فرحان انجم، ملک ناصر داؤد، خورشید احمد عون اور صدرِ مجلس سید نذیر شاہ کسیلوی شامل تھے۔

حرف اکادمی پاکستان کے زیرِ اہتمام سرائیکی مجموعوں کی تقریبِ رونمائی

حرف اکادمی پاکستان کے زیرِ اہتمام مورخہ ۲۹ اپریل ۲۰۱۷ء بروز ہفتہ آرٹس کونسل راولپنڈی میں ایک پروقار ادبی تقریب کا انعقاد ہوا۔ محمد گل نازک نے تلاوتِ کلام پاک سے محفل کا باقاعدہ آغاز کیا جبکہ طاہر فاروق بلوچ نے نعت رسول کی سعادت حاصل کی۔ یاسین بلوچ نے نظامت کے فرائض سرانجام دیے۔ مہمانانِ خصوصی میں فاخرہ بتول اور خورشید ربانی شامل تھے جبکہ وفا چشتی مسندِ صدارت پہ تشریف فرما تھے۔ اس تقریب میں سرائیکی زبان کے تین مجموعوں کی رونمائی کی گئی جن میں پوکھوں (شفیق شجرا کمسن)، گوجھی پوجھی (سردار خادم حسین مخفی) اور جھانولا (باقر نیازی) شامل ہیں۔ مصنفین کے فن پہ گفتگو کرنے والوں میں شیدا چشتی، یاسین بلوچ، فاروق بلوچ، خورشید ربانی، فاخرہ بتول اور صدرِ مجلس وفا چشتی شامل تھے۔ شیدا چشتی نے ’گوجھی پوجھی‘ کے حوالے سے بات کرتے ہوئے کہا کہ’ ’شاعر نے بڑے احسن طریقہ سے دل کی بات قاری تک پہنچائی ہے۔ ضرب المثال سے مزین اشعار کا حامل یہ مجموعہ سرائیکی ادب میں خوبصورت اضافہ ہے۔ مجھے اس مجموعہ کے مطالعے سے دل تسکین حاصل ہوئی ہے۔ ادائے سخن میں شیرینی خیال نے مجھے اپنے حصار میں لیے رکھا۔ معاشرتی حوالہ کے اشعار اور ادبی مہارت نے متاثر کن اثر چھوڑا ہے جس کا ذائقہ کئی دن تک محسوس ہوتا رہے گا‘‘۔ فاخرہ بتول نے کہا کہ ’’سرائیکی لہجہ اس قر شیریں ہے کہ مخفی صاحب کے اشعار نے مجھے اس مجموعہ کو پڑھتے وقت اک لمحہ بھی لطافت سے خالی نہیں رہنے دیا ان کے ہاں ایک مستند اور منجھے ہوئے لکھاری کا اظہار دیکھنے کو ملتا ہے۔ ایسے موضوعات ملتے ہیں جو نہ صرف ایک حساس انسان کی نشاندہی کرتے ہیں بلکہ اِک پراثر نقشہ کھیچ کر قاری کو اپنے حصار میں لے لیتے ہیں‘‘۔ خورشید ربانی نے اپنی گفتگو میں کہا ’’سرائیکی شاعری کی بنیاد میں ’اکھان‘ نے اہم کردار ادا کیا ہے۔ تینوں تخلیق کار مبارک باد کے مستحق ہیں اور ان کا کام سرائیکی ادب میں اضافہ ہے۔ ادب تخلیق ہوتا رہنا چاہیے اور دیگر زبانوں میں ادب کی تخلیق ادب اور ادیب دونوں کے لیے باعثِ صد افتخار ہے۔ میری دعا ہے ادب یوں ہی پھلتا پھولتا رہے اور حرف کی بہار ہمیشہ مہکتی رہے‘‘۔

صدرِ مجلس وفا چشتی نے نوجوان شاعر باقر نیازی کی تخلیق کو سراہا اوربارکباد دی۔ شفیق شجرا کمسن کے مجموعہ پہ گفتگو کرتے ہوئے کہا ’’شفیق شجرا کے ہاں جدت نظر آتی ہے اور احساس کی جو جھلک ان کے کلام میں موجود ہے وہ ایک بہترین شاعر کی نمو بھرتی آواز ہے۔ مختلف انداز بیان نے بہت سے ایسے موضوعات کی طرف اشارہ دیا ہے جو اس وقت کے سرائیکی ادب میں خال خال دکھائی دیتے ہیں‘‘۔ خادم حسین مخفی کی تخلیق ’گو چھی پوچھی‘ پر خیالات کا اظہار کرتے ہوئے صدرِ مجلس نے کہا ’’اس مجموعہ میں حمد،نعت، اکھان غزل میں جتنا بھی رنگ ہے وہ صوفیانہ ہے۔ اشعار میں کہیں کہیں شاعر محبوب کے بیان میں جدائی، فراق جیسے دریا میں غوطہ زن ہوتا ہے تو یہ احساس ہونے لگتا ہے کہ قاری ہی کے دل کی بات کی گئی ہے۔ صدرِ مجلس نے حرف اکادمی کے علمی و ادبی کام کو سراہا اور نیک خواہشات کا اظہار کیا۔

تقریب کے اختتام پر قراردادِ تعزیت پیش کی گئی اور نوجوان شاعرہ فر زانہ ناز، اختر رضا سلیمی کی والدہ محترمہ اور میجر راحت سرحدی کی خوشدامن کے انتقال پہ گہرے دکھ کا اظہار کیا گیا اور مرحومین کے ایصالِ ثواب کے لیے دعا کی گئی۔ اللہ عزوجل تینوں خاندانوں کو دکھ کی اس گھڑی میں صبر و استقامت عطا فرمائے۔ تقریب کے اختتام پہ تمام شرکا کو پریس کلب کلرکہار کے صدر عرفان خانی کی جانب سے اعزازی شیلڈز دی گئیں۔

کاشف بٹ

جنرل سیکرٹری حرف اکادمی پاکستان

حرف اکادمی پاکستان کے زیرِ اہتمام محفلِ مشاعرہ

 مورخہ پندرہ اپریل بروز ہفتہ آرٹس کونسل راولپنڈی میں حرف اکادمی پاکستان کے زیر اہتمام محفل مشاعرہ کا انعقاد کیا گیا۔ محمد گل نازک نے تلاوتِ کلام پاک سے محفل کا باقاعدہ آغاز کیا جبکہ گل نسرین نے نعتِ رسول کی سعادت حاصل کی۔ اکادمی کے ناظمِ اعلی ملک عرفان خانی نے نظامت کے فرائض سرانجام دیے اور نصرت زیدی مسندِ صدارت پہ تشریف فرما تھے۔ مہمانانِ خصوصی میں سردار خادم حسین مخفی (بہاولپور)، فاخرہ بتول (اسلام آباد)، پروفیسر محمد سفیان صفی (ہری پور) اور ارشد محمود ارشد (سرگودھا) تھے۔ اس محفلِ مشاعرہ میں ملک بھر سے شعرا کرام شریک ہوئے۔ جن شعرا نے اپنے کلام سے محفل کو رونق بخشی ان میں راولپنڈی سے ملک راشد، سلطان حرفی، بشیر رانجھا، وفا چشتی، میجر حسن اسماعیل، کرنل جمیل احمد، کرنل مقبول حسین، ملک عرفان خانی، عبدلقادر تاباں، طاہر فاروق بلوچ، فرح دیبا، ثمینہ تبسم، بشری سعید، نازیہ شکور، انیتہ گردیزوی، خیرالنسا خیری، شاہدہ تبسم، گل نازک، شہباز نقوی، عثمان مظہر، صدیق سرمد، شہاب صفدر جبکہ ایبٹ آباد سے شہیر تہامی، ہری پور سے ساجد حمید ساجد، سعید صاحب، سیدہ بختاور شفق، بھکر سے عمران راہب، ایبٹ آباد سے شہیر تہامی، ملتان سے گل نسرین اور رانا علی اکبر، اوکاڑہ سے رائے عمر حیات، چکوال سے باقر وسیم، ٹیکسلا سے جاوید احمد، کلر کہار سے عتیق الرحمن بری اور مہمانانِ خصوصی میں مہمانانِ خصوصی میں سردار خادم حسین مخفی (بہاولپور)، فاخرہ بتول (اسلام آباد)، پروفیسر محمد سفیان صفی (ہری پور) اور ارشد محمود ارشد (سرگودھا)  اور صدرِ مجلس نصرت زیدی کے اسمائے گرامی شامل ہیں۔

محفلِ مشاعرہ - حرف اکادمی پاکستان

Harf Acadmy (Hazara Branch)-18th monthly session

حرف اکادمی ہزارہ شاخ کا ۱۸واں ماہانہ اجلاس ۲ اپریل۲۰۱۷ء بروز اتوار اکادمی کے دفتر بمقام حویلیاں منعقد ہوا۔ نجم الحسن نجمی نے نظامت کے فرائض سرانجام دیے اور عامر شہزاد نے تلاوتِ کلام پاک سے محفل کا آغاز کیا۔ بدر منیر شاعرِ شام تھے جبکہ امتیاز الحق امتیاز مہمانِ خصوصی تھے۔ نثری دور کی صدارت ساجد خان نے کی جبکہ شعری نشست میں خورشید احمد عون مسندِ صدارت پہ تشریف فرما تھے۔ گذشتہ دنوں اکادمی کے رکن بدر منیر رشتہ ازدواج میں منسلک ہوئے اور نجم الحسن نجمی نے ’ایکسیلنس اسٹوڈنٹس سوسائٹی پاکستان‘ کے زیر اہتمام جنوبی ایشیا کے طلبا کے لیے منعقدہ ماحولیاتی کانفرس میں مقالہ پیش کیا اور ایوارڈ وصول کیا۔ اجلاس میں اس حوالے سے قراردادِ تہنیت پیش کی گئی۔ نثری دور میں محسن چوہان نے انشائیہ (کھیل کھیل میں)، اعجاز احمد یوسف زئی نے طنز و مزاح (زن بہدف نسخے، میاں بہدف نسخے)، آغا جعفر محمود ہاشمی نے افسانہ (آنکھیں) اور خورشید احمد عون نے اپنی مستقل تحریر ’’داستان خواجہ سرا‘‘ کا ایک حصہ تنقید کے لیے پیش کیا۔

شعری نشست میں عامر شہزاد، نجم الحسن، نبیل عباسی، محسن چوہان، اعجاز یوسف زئی، فرحان انجم، گل زرین، ساجد خان، آغا جعفر محمود ہاشمی، بدر منیر، امتیاز الحق امتیاز اور خورشید احمد عون شریک ہوئے۔ حرف اکادمی ہزارہ کا ۱۹ واں ماہانہ اجلاس ۷ مئی بروز اتوار حویلیاں میں ہو گا۔

Literary Session - Harf Acadmy South Korea Branch

ہزارہ سے تعلق رکھنے والے معروف کیمیادان اور استاد پروفیسر ڈاکٹر اشفاق احمد گذشتہ دنوں تحقیقی کام کے سلسلے میں جنوبی کوریا تشریف لائے تو مورخہ ۲ اپریل بروز اتوار ان کے ساتھ کیونگ پوک نیشنل یونیورسٹی، دیگو میں ایک علمی و ادبی نشست کا اہتمام کیا گیا جس میں کاشف بٹ، سلمان االاسلام، ملک محمد سعید اختر، کاشف امیر اور پروفیسر ڈاکٹر اشفاق احمد شریک ہوئے۔ حرف اکادمی (مرکز) کے رکن محمد سعید اختر تحقیقی مصروفیت کی وجہ سے جلد تشریف لے گئے۔ اس نشست میں سائنس اور ادب کی مختلف جہتوں پہ گفتگو ہوئی۔ پاکستانی ادب میں عقیدت پرستی کے عناصر، حکومتی سرپرستی میں لکھا جانے والا ادب اور نتیجتاً ادب اور تخلیق کارواں پہ اس کے اثرات اور ہندکو زبان و ادب پہ سیر حاصل گفتگو ہوئی۔ گندھارا ہندکو بورڈ اور ہندکو تخلیق کاروں کی خدمات کو سراہا گیا۔ پروفیسر صوفی عبدالرشیدکے علمی ادبی کام پہ تادیر گفتگو ہوئی اور ان کی خدمات کو خراج تحسین پیش کیا گیا۔ آخر میں کاشف بٹ نے اپنا کلام پیش کیا۔ اس نشست میں حرف اکادمی (کوریا شاخ) کی فعالی اور مستقل بنیادوں پہ ادبی نشستوں کے انعقاد کے لیے لائحہ عمل طے کیا گیا۔

17th monthly literary session of Harf Acadmy Hazara Branch (KPK)

حرف اکادمی ہزارہ کا ۱۷واں ماہانہ اجلاس ۵ مارچ۲۰۱۷ء بروز اتوار اکادمی کے دفتر بمقام حویلیاں منعقد ہوا۔ عامر شہزاد نے نظامت کے فرائض سرانجام دیے۔ افتخار حسین قریشی شاعرِ شام تھے جبکہ آغا جعفر محمود صدرِ مجلس تھے۔ اجلاس حسبِ روایت دو ادوار پہ مشتمل تھا۔ نثری دور میں محسن چوہان نے انشائیہ، اعجاز احمد یوسف زئی نے طنز و مزاح جبکہ ساجد خان نے افسانہ تنقید کے لیے پیش کیا۔ شعری نشست میں عامر شہزاد، نجم الحسن، مبشر اعوان، اسد بٹ، نصیر، محسن چوہان، اعجاز یوسف زئی، فرحان انجم، ناصر داؤود، ساجد خان، افتخار حسین قریشی اور آغا جعفر محمود شریک ہوئے۔

A literary sitting of Harf Acadmy Mastung Branch (Balochistan)

ادارہ حرف اکا دمی پاکستان کی مستونگ شاخ (بلوچستان)  کے زیر اہتمام مورخہ 5 مارچ 2017 بروز اتوار بمقام ساروان ڈیجیٹل لائبریری، پہلی بین السانی شعری نشست کا انعقاد کوآرڈینیٹر حرف اکادمی سید غریب شاہ انجم کی سر پرستی میں ہوا۔۔۔ تلاوت کلام پاک کی سعادت پروفیسر عامر فیاض نےحاصل کی ۔۔ نظامت کے فرائض پروفیسر حسن ناصر نے ادا کیے۔ مسندِ صدارت پہ معروف شاعر ادیب  حاجی شاہ بیگ تشریف فرما تھے۔ مہمان خصوصی معروف سیاسی شخصیت میر سکندر خان ملازئی تھے جن شعراء اکرام نے کلام سے نوازا ان میں صاحب صدارت جناب حاجی شاہ بیگ۔ ملک فیاض علئ بلوچ ،عبداللہ جوہر، حمید عزیز آ بادی، ڈاکٹر لیاقت سنی،اعجاز سنگت، سرور منیر ، بہاول نسیم، فیض بولانی، ادریس سحر ،میر سعد اللہ مینگن، ظفر معراج، ھدایت فدا، طاہر زمان، سلمانخان ہجر،عطا انجم، اصف بلوچ، حسین صابر، خواجہ احمد خواجہ، نزیر حسرت، شاہجہان راہی ،سعید احسان راہی، شبیر احمد خان صابر محمد عمران اور کوادینٹر حرف اکادمی سیدغریب شاہ انجم شامل تھے۔

ٍ